شكون بغات تعمل اضافر اصطناعية تدخل

السلام عليكم ورحمة الله وبركاته
سلام لبنات ليوم ان شاء الله نزليكوم طريقة نتاعles faus ongles هي ساهلة غير لي بغيت نقول باش ماندي دنوب حد راه كيمنعو وصول الماء للاضافر يعني كيبطلو الوضوء
عمليه اختي غير الا كنتي في عرسك ولا معروضة في الليل ولا راجلك ديريليه مفاجاءة راه الرجال كيحمقوهوم الاضافر الجميلة المصبوغة نعطيكوم بعض المعلومات
ان شاء الله ليوم انزل طريقة وضع الاضافر الاصطناعية نتاع البلستيك حينت كاينين انواع اخرى كاينين بle gelكيتخدمو بواسطة فرشاة ومن بعد كتدخلي يديك في واحد الماكينة فيها uvباش يكرمو كيطلبو خبرة عالية هادو كيبقاو حتى ل6اشهر كلمرة طلع الضفر كتمشي ترقعيه وكاينةlarisine هي غبرة كتهزيها بزاحد الريشة وتغمسي شوية في واحد الماء وكترسمي الضفر هادشي كامل كيطلب خبرة عالية بحق حنا ماعندنا مانديروبشي حاجة تلصق لينا على ضفارنا العام كامل كيف انديرو حتى نصليو

بسم الله الرحمن الرحيم

خاصنا اضافر بلاستيك انا لقيت غير هادو كيعملو10دراهم راه كاينين وحدين كيعملوتقريبا20درهم هوم احخسن دابا نزليكوم صورتهوم من بعد
لصقة كاين لي كتباع معاهوم لصقة بحق احسن شريو لصقة سبيسيال وكاينة واحد اللصقة اسمهاsuper glueهادي يقدر و يبقاو ضفار حتة اسبوع تقدري تعمليها من تكون فيك الدورة
مبرد لاليم زعمة
مقص اضافر او غزواغ يكون احسن كاينة واحد الماكينة اسمها la guillotine زعما تسمية على ديك الالة لي كانو كيقطعو بيها الريوس زمان
فيرني لاباز او فيرني اسود او احمر ولفرانش ه ديك البيضة بحال الجير عارفتوها
فنية زعمة شوكة او كيردون نتاع السنان باش نديرو زواق
قطن عادي
قطن ودنين باش نمسحو شي حاجة الا خصرناها
ماء صباغة
[IMG][/IMG]
نجبدو الاضافر ونستفو راه كيكونو مكتوين فيهوم الارقام او ديرو لي يناسبكوم
[IMG][/IMG]
نشدو قطن نعملو فيه الديسولفون يعني الماء لي كيحيد الصباغة نمسحو ضفارنا مزيان نشدو المبرد ونبردو الاضافر نتاعنا يعني نحكو الضفر من الفوق السطح نتاع الضفر نحكوهوم غير شوية باش يشدولينا ماتبركو عليهوم بالحكان غير تحيدو ضفار نتاع الميكة يبانو ضفاركوم حالتهوم
كتبداو من الضفر الصغير احسن تكونو دايرين المانيكور قبل ماتديرة ضفار باش الجلدة الميتة تحيد وتخلي الضفر نقي
كتدير شوية نتاع الكولا خاص ضفر كال توصلو ولاكاين مشي تكترو غير تحطو الضفر تخرج من الجناب عارفتي لكولا سبيسيا كتدير فضيحةحطو الضفر وعنداكوم تدخلوه تحت الجلد يكون حدو قدو ضغطو عليه مزيان حتى تحسو بيه كرم كررو العمليه لليد كامل
مزين دابا خود مقص نتاع الضفر ولا زيزوار يعني موس علاش قلت ليكوم مقص نتاع الضفر خاصك بشوية حينت دغيا كيتشق الضفر راه غير بلاستيك من كتديرة زيزوار كتقطعو الحد لي بغيتو حاولو ماطولوهومش بزاف حينت الا ماولفتهوم راه يديرونجيوكوم في الاول
من تسالي تقطاع ليميهوم بالمبرد قاديهوم اما شكل كاري او دائري نتي وخاطرك
[IMG][/IMG]
من تليمو الضفار وتساليو ديمان بقاو تمسحو بقطن فيه الماء نتاع الصباغة دابا صبغو بلاباو لاباز هو ديك الصبغة لي دايرة بحال الماء وديرو الفرانش الا مكتعرفوش ديرة سكوتش وراه كاينن شي لصقات بيضين كيتباعو عند مول المكياج شريو دوكلي كنديرو للوراق نتاع الكلاسور حتى هوما كينفعووديرو لفرانش عادي نتاعكوم دابا نجو لزواقهlles motifes
شوفو هادا برسينغ جيبو شي برى وحميوها وطقبة الضفر وشوفو الا عنكوم شي طوينكة شايطو ولا اي حاجة علقوها فيه
[IMG][/IMG]
هادو انا لي درتهوم شوفوهوم كيف جاوكوم
[IMG][/IMG]
[IMG][/IMG]
دابا نجيو الا بغيتي ديري هاديك الوردة لي شفتي في الصور كتدي كيردون نتاع السنان ولا شويكة كتخدي شوية من الصبغة حمرو او كحلة وشوية من الصباغة بيضة حطو شوية فوق الغلاقة او فوق شي سطح ماتخليوش الصبغة محلولة دغيا كتكرك
كتديرو نقط في الوسط بيضاء وتدورها بنقيطات كحلين كل مرة عاود هزو الصباغة ماتهزوش بزاف باش ماتخمجش من تساليو الضفار كاملين ديرو لاباز فوقمنهوم عاوتاني باش تبتهوم نتمنى نكون شرحت مزيان ولي مافهمش شي حاجة انا هنا ياريت المتزوجات تديروهوم لرجالكوم وتديروليهوم شي عشيوة وتفركسو ونعسو الاولاد راه الرجال مساكن كيتعرضو للفتن في الزنقة داكشي خاص مرتو تكون ديمان في احسن حاجة وكاينين شي حوايج بساط ولاكين كيعبرو على الحب والانوتة نتاعك اختي اه نسيت راه من كتعملو لصقة سبيسيال راه واخا تاكلو بيهوم وكلشي ماكيتحيدوش بزاف الا درتي سوبركلو هي كتشد احسن منتضر تطبيقاتكوم ياحلوات